Centro Prerrománico Asturiano

Encanamientos na visita al Centru del Prerrománicu para embrivir los riegos andada del COVID-19

El Centru de Recepción ya Interpretación del Prerrománicu Asturianu adaptó les sos instalaciones y servicios pa contribuyir a embrivir los riesgos d´andada del virus COVID-19. Pa ello tuvo en cuenta les distintes instrucciones y encamientos ellaboraos pol Ministeriu de Sanidá y l´Institutu de Calidá Turística. Esti postreru desenvolvió una guía específica pa Museos y Sitios Culturales a pidimientu de la Secretaría d´Estáu de Turismu na que collaboraron distintos axentes sociales, espertos y entidaes culturales.

Antes de visitar el Centru de Recepción ya Interpretación del Prerrománicu Asturianu

L´aforu del equipamientu va ser amenorgáu conforme a la normativa vixente.
L’accesu ye de baldre y independiente de la xestión de los Monumentos del Naranco; polo tanto, nun se va facer reserva previa pa entrar nél, pero ruégase cumplir en tou momentu les normes de distancia y seguranza marcaes y dexar la puerta d’entrada/salida siempre destorgada.
Ye obligatorio l'usu de mázcara na visita al equipamientu.
La visita al equipamientu va ser llibre. Pónense a disposición del públicu los siguientes documentos dixitales:
- Guía de mano (disponible en castellanu, asturianu, inglés, francés y alemán).
- Aplicación móvil con audioguía (disponible en castellanu, inglés, francés y alemán).
- Visites imprescindibles n´Asturies (en castellanu, asturiano ya inglés)
Tenemos na sala material audiovisual que va complementar la so visita.
El Centru cunta con una programación recurrente online pa tolos públicos (talleres, cuentacuentos, esposiciones virtuales y xuegos y pasatiempos didácticos). Consulte los apartaos d'axenda y noticies de la nuesa web.
Temporalmente nun ta disponible’l requexu infantil nin ta permitío usar la fonte.

El día de la visita

Caltenga la distancia de seguridá interpersonal (ente unidá familiar o de convivencia).
Ye obligatorio l'usu de mázcara na visita al equipamientu.
Siga´l percorríu encamentáu pa la visita y circule preferiblemente pola derecha.
Aconséyase´l pagu con tarxeta de creitu en tolos servicios del Centru.
Empreste atención a les indicaciones y encamientos detallaos na cartelería informativa.
Ruégase nun tocar les superficies y les vitrines.
L´aforu nos aseos ta llimitáu a una persona, quitando nos supuestos de persones que puedan precisar asistencia.
Siga los encamientos hixénico-sanitaries nel usu de los aseos.
Nos accesos a recepción, tienda y baños va disponer de dispensadores de xel desinfestante.
Mientres el percorríu ponemos a la so disposición papeleres con tapa y pedal pa la xestión de los sos residuos.
Recurra a los nuesos asistentes pa cualquier dulda o consulta. Tamos p´ayudar.

Recordatoriu de midíes hixénicu-sanitaries

Realice una hixene de manes frecuente (llaváu con agua y xabón o soluciones alcohóliques).
Caltenga 1,5 metros de distancia interpersonal.
Ye obligatorio l'usu de mázcara na visita al equipamientu.
Al tusir o espirriar, cubra la boca y la ñariz con pañuelos desechables o col coldu flexionáu.
Evite tocar los güeyos, la ñariz y la boca, una y bones les manes faciliten la so tresmisión.
Si presenta dalgún síntoma (fiebre, tos o dificultá respiratoria y amás dolor muscular o de cabeza), llame a los teléfonos 984 400 100 – 900 878 232 o al 112.

#PrerrománicoenCasa

El Centru de Recepción ya Interpretación del Prerrománicu Asturianu dispón de munchos recursos dixitales a la so disposición que s'actualicen de contino en: www.centroprerromanicoasturiano.com.

Amás, puede siguir tola información rellacionada col Centru y col arte del Prerrománicu Asturianu en:

Facebook: https://www.facebook.com/PrerromanicoAsturiano/

Twitter: h ttps://twitter.com/prerromanico

Youtube: https://www.youtube.com/user/Prerromanico