Centro de Recepción e Interpretación del Prerrománico Asturiano
Facebook
Twitter
Instagram
Youtube
App Móvil

Prerrománicu pa la reciella

Xuegos de preguntes, maquetes, escudos… Nel Centru del Prerrománicu Asturianu preparemos un apartáu nuevu pa que lo más pequeño de la casa aprienda sobre l’Arte del Reinu d’Asturies d’una manera prestosa. ¡Con manualidaes entreteníes pa facer con familia o amigos!

 

Santa María de Naranco. Descubri los sos secretos

Si tenéis duldes o ye mui difícil, dexámosvos una pista… Toles respuestes tán na web del Centru del Prerrománicu. Desque lo resolváis, vais ser unos espertos nesti monumentu, declaráu Patrimoniu Mundial pola UNESCO. Recomendao pa neños de 8 a 10 años.

Descargar Santa María de Naranco. Descubri los sos secretos

 

Constrúi Santa María de Naranco

Dexámosvos dos maquetes que podéis descargar y imprimir. Son recortables colos que podéis poner en pie Santa María de Naranco. Una maqueta ye más cenciella y otra un poco más difícil. ¿Atrevéisvos a construyir esti monumentu?

Descargar maqueta Santa María de Naranco 1

Descargar maqueta Santa María de Naranco 2

 

Manes a la obra con San Salvador de Valdediós

San Salvador de Valdediós, tamién llamáu El Conventín, ta en Villaviciosa, pero tamién nes vuestres manes si vos ponéis manes a la obra con esta maqueta.

Descargar maqueta San Salvador de Valdediós

 

Escudos pa defender el Prerrománicu Asturianu

Depués de construyir edificios únicos, ye menester defendelos y protexelos pa que duren otros 1.000 años. Pa ellos dexémosvos unos escudos coles sos agarraderes que podéis imprimir y apegar nun cartón. Agora ya podéis salvaguardar los monumentos del Prerrománicu Asturianu.

Descargar escudu 1

Descargar escudu 2

 

Guía de los Monumentos del Naranco ellaborada pol alumnáu de la Escuela Parque Infantil

Descargar guía

 

Animámosvos a compartir el resultáu de les vuestres maquetes y recuerdos prerrománicos nes nuestres redes sociales (Facebook y Twitter). ¡Esperamos que nos enseñéis lo bien que vos quedaron!