Español Inglés Francés
Prerromanico Asturiano
AGENDA

Pilpayu Medieval. Construye con estilo

1, 14 y 28 de octubre; 11, 19 y 25 de noviembre; y 3, 17 y 23 de diciembre de 2017, 11:00 h.

(Más Info)


Exposición Prerrománico Asturiano, Patrimonio de la Humanidad

Del 17 de febrero al 30 de diciembre de 2017

(Más Info)


Consultar toda la Agenda

 

unesco

banner_ok

 

En Santo Adriano

Santo Adriano de Tuñón

Información xeneral

En planta y alzáu afaise bien al modelu de basílica asturiana de l´Alta Edá Media. Consta de tres naves de tres tramos, dixebraos por arcos de piedra sobre pilares de sección rectangular, triple cabecera rectangular de testeru únicu, y una dependencia abierta nel primer tramu de la nave meridional. Ye seguro que nun esistió una dependencia simétrica a ésta na fachada septentrional. De la mesma, paez dudoso arqueolóxicamente que cuntara con un antecuerpu occidental tripartitu, con pórticu y dos dependencies llaterales.

Magar el so destín actual de sé parroquial rural, nun convién escaecer que nos atopamos ante una fundación directa d´Alfonso III´l Magnu y la so esposa Ximena, consagrada en 891 y destinada a allugar una comunidá monástica. Nel añu 1108, l´obispu Pelayo d´Uviéu consagró otra vuelta los tres altares, dedicaos respectivamente a los santos Adrián y Natalia (na capiya central), a San Pedro y San Pablo (na capiya meridional) y a Santiago (na capiya septentrional). Daquella, el templu tendría de tar yá, o taría pa talo, al serviciu d´una canonía rural, probablemente reformada pol impulsu del mesmu obispu.

Los murios de la fábrica orixinaria tán construyíos con mampostería irregular, tosca, predominantemente caliar, con sillares nes esquines, tallaos en toba caliar, al igual que los vanos de les naves llaterales y los estribos de la cabecera. Namá dispunxo d´una puerta, abierta al oeste. El llume consíguese con seis ventanes rectangulares nel claristoriu y cuatro vanos aspilleraos nes naves llaterales, a lo que s´añaden los buecos de les capiyes. Quitando les capiyes de la cabecera, abovedaes en cañón, los restantes espacios tán cubiertos por carpintería de madera.

L´interior del templu respuende dafechu a la impresión de tosquedá que produz el so esterior. La decoración escultórica apaez namás nel par de columnes del arcu triunfal de la capiya central. Los capiteles son pieces reaprovechaes.

Santu Adrianu de Tuñón contién amueses importantes de pintura mural na capiya central. Destaca un frisu d´almenes triangulares gradiaes, con interior lobuláu, asitiáu a la cota de la llinia d´imposta de la bóveda, de directa inspiración cordobesa.

Cola cenefa subxacente, de tallu vexetal, esti frisu d´almenes percuerre tamién el muriu meridional de la capiya central, sobre les credencies, onde se caltuvo una cruz sobre astil procesional, de brazos iguales y remates en tres lóbulos enanchaos, de los que broten dos antenes curvaes n´espiral escontra l´interior.

Arrodia la contorna de les credencies una cenefa con círculos na rosca de los arcos.

El frisu vexetal con brotos de rosa zarraos nes ondes interiores del tallu ye seña igualmente de l´aplicación de repertorios decorativos d´orixe meridional, pues preludia les frecuentes orles de tallos y palmetes que decoren epitafios, impostes, ábacos y otros elementos escultóricos presentes na arquitectura y la plástica del sieglu X. A lo último, destaca la cenefa de la ventana del testeru, con círculos concéntricos separaos por fexes de tres brotos, n´alcordanza de los frisos de saetes y oves; a los sos llaos figuren les representaciones del Sol y de la Lluna radiantes.

Datos d´interés

Accesos

Santo Adriano. Tuñón.

Bus Pullmans Llaneza, llínia Uviéu-Teberga. Información: www.pullmansllaneza.com.

Visites

La Ponte -  Ecomuséu, concierten visites.

Contact: + 34  622 643 317.

Más información: www.laponte.org

Este proyecto ha sido financiado por el Ministerio de Cultura del Gobierno de España.